Administratori i Integrated Energy Daniel Vermeulen, ka folur për herë të parë ku i është përgjigjur shumë pikëpyetjeve të dyshimta që janë ngritur mbi funksionimin e inceneratorëve.
Ai tha se akuzat e Kryemadhit kanë disa arsye përse ndodhin dhe se videoja që ajo ka ndarë, sipas tij është për t’i prishur imazhin kompanisë dhe është bërë në një ditë pushimi.
Teksa është pyetur për lidhjen me Mërtirin dhe Zoton ai është përgjigjur se nuk ka asnjë lidhje dhe se nuk i njeh.
Vermeulen tha se të gjitha të ardhurat që gjenerohen në incenerator, shërbejnë për përmirësimin dhe shtimin e kapaciteteve të kompanisë.
“100 mijë euro në ditë do të dija të ishte kjo e vërteta, këto akuza që Kryemadhi hedh kanë disa arsye përse mund të ndodhin.
Për t’u kthyer pas për atë video që është shumë e dëmshme, kjo është bërë gjatë një periudhe pushimi dhe kjo është e vërteta. Ne kemi një kapacitet të caktuar të mbetjeve që riciklojmë çdo ditë dhe i vetmi moment që i çojmë në landfill është kur nuk kemi hapësirë.”, u shpreh ai.
Sipas tij, bazuar në kontratë nuk thuhet që ne jemi thjeshtë incenerator, nuk bëjmë vetëm incenerimin por edhe riciklim,
“Nuk e di pse i bën të gjitha këto komplikime Kryemadhi sepse ne e kemi bërë kontratën.
Ne kemi pasur vetëm një intervistë vetëm me një media që na ka kontaktuar por ne kemi ftuar të gjithë mediat janë të lira të vijnë e të shohin çdo gjë. SPAK-u na ka kontaktuar por s’mund të them asnjë informacion.
Të gjitha përfitimet shkojnë në përmirësimin dhe shtimin e kapaciteteve. Gjithçka që marrim e ri investojmë”, tha Administratori i Integrated Energy Daniel Vermeulen,
m.b/dita
