I ftuar në emisionin “Opinion”, zv/kryeministri Arben Ahmetaj ka mohuar akuzat ndaj tij se ka fjetur në një nga hotelet më të shtrenjta në Milano dhe pagesa është bërë me kartën e një prej pronarëve të inceneratorëve Klodian Zoto.
Ai i ka quajtur këto akuza të ngritura nga gazetari Adriatik Doci, i cili ka depozituar dhe në SPAK kallëzim penal ndaj Ahmetajt si spekulime. Madje ai e ka cilësuar atë si mercenar.
I pyetur për përfshirjen në cështjen e inceneratorëve, ai mohoi se ka firmosur për inceneratorët e Elbasanit, Fierit dhe Tiranës. Ish-zv/Kryeministri deklaroi se ndaj tij nuk ka asnjë akuzë zyrtare.
Arben Ahmetaj: Është shumë e rëndësishme që ta vendosim në një kuadër. Ju shmangët nëse, pjesën e procedurës për inceneratorët. Cila është akuza ndaj meje? Ka akuzë zyrtare nga Prokuroria?
Blendi Fevziu: S’është e thënë që s’ka. Unë kam një letër, është një email zyrtar i SPAK i cili i përgjigjet një kolegut tim të Fax Tv, ai na e ka vënë në dispozicion, i cili thotë: Prokuroria e Posaçme Kundër Korrupsionit dhe Krimit të Organizuar Tiranë vijon të kryejë hetime në lidhje me procedurën e dhënies së koncesionit me objekt ndërtimin e impiantit të trajtimit të mbetjeve në Elbasan dhe prodhimin e energjisë, në kuadër të procedimit penal.
Objekt i hetimeve të këtij procedimi penal janë një sërë rrethanash dhe faktesh ku përfshihen dhe veprimet e shtetasit Arben Ahmetaj, në cilën e ish-ministrit të Ministrisë së Zhvillimit Ekonomik Tregtisë dhe Sipërmarrjes.
Arben Ahmetaj: Ka një dosje që quhet 277/1 që janë veprimet e Ministrive të Drejtësisë, të Ministrisë së Energjisë dhe të Zhvillimit Ekonomik ku unë isha ministër. Unë dua ta deklaroj që në procedurën e inceneratorit të Elbasanit, inceneratorit të Fierit dhe inceneratorit të Tiranës unë nuk kam marrë pjesë, kam zero përfshirje.
S’ka akuzë ajo, ajo ka informacion. Patjetër që po hetohet. Te inceneratori i Elbasanit kam zero përfshije në procedurë. Unë unk kam firmë te inceneratori i Elbasanit, inceneratori i Fierit dhe tek procedura e Tiranës. Po them dhe një gjë. Të dyja veprat publike, Elbasani dhe Fieri, janë të dosmosdohsmme. Kanë pastruar qytete.
m.b./dita
