Ai dhe ata…

Një foto në internet, e transformuar në fuksion të idesë:

Ai poshtë – punon, prodhon, por vetë mbetet me gisht në gojë. Ata që i rrinë mbi kurriz i ushqen mirë, i pëkëdhel, i voton instiktivisht. Diçitura: “Të duash të tjerët më shumë se veten!”.

Ata që i hipin sipër të bëjnë edhe për budalla, kur vet nuk e kanë për gjë të bëjnë rolin e budallait për të marrë votën.

Popullit, që i voton, i kanë mpirë trurin me barceletën e “Qershive të Përmjera” të Nashtradinit.

Oligarkia e faktit është shoqëri në të cilën qeveria është kushtetuese dhe demokratike e hapur për të gjithë qytetarët, ku në fakt pushteti është marrë nga një pjesë e vogël e këtyre.

Pjesa më e majmur e Medias që i ngjitet popullit mbi kurriz (bashkë me sejmenët e oligarkëve pushtetarë), ka fuqizuar modelin e saj të demokracisë: “nga një kult individi në sistemin diktatorial, si origjinal që jemi, krijojnë  3 kulte individi, tre që kërkojnë pushtet të padiskutueshëm, sa të jenë gjallë”. “- Ka të tjerë – ka të rinj? – Jooo, nuk lind më Nëna si këta!”

Ajo lobon fuqishëm për ata në programet imponuese mediatike, aq sa edhe kur të shkosh në shtrat per të fjetur, të dalin “kultet” edhe në ëndërr. Ndoshta këta të medias presin Teatrin e Ri për  të shkruar dramën e madhe “Shërbëtorë të Tre Zotërinjve”, që ta luajnë ata.   

Me zhurmën e madhe nuk të lenë t’i pyesësh “kultet” se çfarë i kanë bërë pronës publike të sektorëve strategjikë, që e fshinë vlerën reale të pasurisë publike nga regjistrat e INSTAT-it.

Gjithë Bota që po zhvillohet shpejt, të thotë: “është Ekonomia e Tregut me Pasurinë e vendit dhe jo Politika” që udhëheq punën e qeverisë.

—–

Nga një lexues anonim. Botuar në rubrikën Letër Kryeredaktorit në DITA, versioni print i gazetës