Një aksident i rëndë është regjistruar në zonën Rrapit në qytetin e Vlorës.
Një makinë tip “Benz” është përplasur me një nga pemët në bulevard. Përplasja ka qenë shumë e fortë, teksa shoferi ka mbetur për disa minuta i bllokuar në makinë.
“Sot, rreth orës 16:30, në rrugën “Murat Tërbaçi”, shtetasi M. E., rreth 25 vjeç, duke drejtuar automjetin tip “Benz”, ka humbur kontrollin mbi drejtimin e tij dhe si pasojë është përplasur me një pemë, anës rrugës.
Shtetasi M. E, aktualisht ndodhet në spital, jashtë rrezikut për jetën”, njofton Policia.
Grupi hetimor po punon për përcaktimin e shkakut të aksidentit. Në vendngjarja kanë shkuar forcat zjarrfikëse dhe ambulanca.
