Një shqiptar ka humbur jetën ditën e djeshme në orët e vona të mbrëmjes në Modena të Italisë. Saimir Gjoka, 38 vjeç, gjeti vdekjen menjëherë në vendngjarje pas përplasjes fatale të dy makinave rreth orës 22:00 të mbrëmjes, shkruajnë mediat italiane.
Ndërkohë, 55-vjeçari që udhëtonte në makinën tjetër ka mbetur i plagosur lehtë. Pas mbërritjes në vendngjarje policia rrugore, ka gjetur në makinën e shqiptarit një çantë plot me para dhe mallra të dyshimta.
Autoritetet kanë nisur hetimet për zbardhjen e shkaqeve të aksidente dhe po punojnë për kapjen e një pasagjeri i cili ishte në makinë me Gjokën dhe që dyshohet se u arratis në fushat pranë vendit ku ndodhi përplasja.
