Incidentet e trafikut rrugor renditen si shkaku kryesor i vdekjeve në mesin e njerëzve të moshës 5 deri në 29 vjeç globalisht, me vendet në zhvillim që përbëjnë 93% të viktimave.
Çdo vit, rreth 1.3 milionë njerëz në mbarë botën vdesin në aksidente dhe rreth 50 milionë njerëz plagosen, sipas një raporti të OKB-së.
Këmbësorët, çiklistët dhe motoçiklistët konsiderohen si “përdorues të pambrojtur të rrugës” dhe përfaqësojnë gjysmën e të gjithë atyre që janë përfshirë në aksidente rrugore fatale në mbarë botën.
Përqindja e përdoruesve të rrezikuar të rrugës është më e lartë në vendet me të ardhura të ulëta dhe ato me të ardhura të larta, veçanërisht ato që jetojnë në vendet në zhvillim.
Në vitin 2022, brenda Bashkimit Europian, rreth 20,600 persona humbën jetën në aksidente, një rritje prej 3% krahasuar me vitin 2021.
Rrugët më të sigurta janë në Suedi (21 viktima për një milion banorë) dhe Danimarkë (26viktima për 1 milion banorë). Numri i viktimave në shtetet anëtare të BE-së ra me 30,7% ndërmjet 2011 dhe 2021.
Në të gjithë BE-në, 52% e viktimave u regjistruan në rrugët rurale, kundrejt 39% në zonat urbane dhe 9% në autostrada. Burrat përbënin tre nga katër viktimat si pasojë e aksidenteve rrugore (78%).
p.k\dita
