Detaje të reja nga aksidenti tragjik në aksin Këlcyrë – Përmet, ku 7 emigrantë të paligjshëm dhe drejtuesi i një mjeti humbën jetën.
Drejtuesi i mjetit ka qenë duke transportuar 7 emigrantët e paligjshëm nga pika kufitare e Tre Urave në drejtim të Këlcyrës.
Drejtuesi i mjetit, Sokol Ismeti ka tentuar që t’i ikë Policisë, pasi është pikasur nga patrulla me mjetin e mbushur plot me njerëz.
Sapo ka parë patrullën e policisë ai ka shtuar shpejtësinë dhe është kthyer për në drejtim të Përmetit për t’u larguar.
Sipas ekspertizës paraprake mjeti ka qenë duke lëvizur me shpejtësi 180 km/h. Për shkak të shpejtësisë së lartë, drejtuesi ka humbur kontrollin e ‘Benz’-it dhe ka ‘fluturuar’ në anë të lumit Vjosë.
Të 8 viktimat kanë humbur jetën në vendin e ngjarjes, ndërsa ka pasur vështirësi edhe në nxjerrjen e trupave.
j.l./ dita
Fatkeqesi e madhe. Nuk ka shteti menyra ndalimi me pak te rrezikshme per jeten e ketyre fatkeqeve qe nuk i mban dot atdheu i tyre?! Ata nuk ishin terroriste. Pushofshin ne paqe!
Mendoj te gjendet nje zgjidhje persa i perket refugjateve ! Policia mund ti ndjeke pa u vene re e cdo gje perfundon normal ! Pushofshin ne paqe !