Një autobus me disa turistë nga Shqipëria është përfshirë në një aksident të rëndë rrugor, ku mbetën të plagosur të paktën 16 persona.
Në lidhje me ngjarjen ka ardhur edhe reagimi i Ministrisë së Jashtme.
Në reagim thuhet se janë në kontakt të vazhdueshëm me palën italiane.
Dyshohet se shkak mund të ketë qenë një defekt i frenave.
Njoftimi i Ministrisë së Jashtme:
Ministria për Evropën dhe Punët e Jashtme, menjëherë pas informacionit mbi aksidentin automobilistik në Katania, është vënë në komunikim me autoritetet italiane, përmes ambasadës së RSH në Romë dhe konsullatave të RSH në Milano e Bari.
Sipas informacioneve paraprake, të gjithë të lënduarit kanë marrë ndihmën e nevojshme nga autoritetet shëndetësore e janë jashtë rrezikut për jetën. Me porosi të Ministrit Igli Hasani, përfaqësuesit e ambasadës dhe konsullatave po monitorojnë situatën e janë në kontakt të vazhdueshëm me palën italiane.
j.l./ dita
