Një aksident ka ndodhur pasditen e sotme në aksin rrugor Qafë Thanë – Pogradec, aksident i ndodhur në afërsi të fshatit Piskupat.
Drejtuesi i një mjeti fugon mallrash ka qenë duke udhëtuar nga Pogradeci në drejtim të Qafë Thanës kur ka humbur kontrollin dhe është përplasur në murin mbrojtës të aksit nacional.
Për fatin e mirë nuk ka patur të lënduar, vetëm dëme materiale.
Sipas policisë shkak i aksidentit është bërë lagështia në rrugë si dhe shpejtësia tej normave të lejuara.
Shërbimi zjarrfikës i Pogradecit ka punuar për pastrimin e vajrave në vendin e ngjarjes për të mos patur probleme me drejtuesit e tjerë të mjeteve që përdorin këtë aks kryesor nacional.
