Aktori i madh Robert Ndrenika feston sot 81-vjetorin e lindjes

Aktori i njohur i kinematografisë shqiptare, i vlerësuar si “Artisti i Popullit”, R obert Ndrenika feston sot 81-vjetorin e lindjes. Ndonëse vitet kanë kaluar, ai është një nga figurat më të dashura të skenës në vendin tonë. Filmat  e tij shihen nga çdo moshë. Madje, shumë batuta janë fiksuar nga shqiptarët.

Robert Ndrenika lindi në Tiranë në 10 janar 1942. Talenti i tij spikati që në vitet e para të jetës, kur ai kultivonte pasionin për teatrin në Shtëpinë e Pionierit në Tiranë. Pas përfundimit të gjimnazit “Qemal Stafa”, në vitet ai 1960-1964 nisi studimet për aktor në Shkollën e Lartë “Aleksandër Moisiu”.

Nga ky vit, deri më 1970, punoi si aktor në Teatrin “Skampa” të Elbasanit. Në vitet 1970-1974 punoi si aktor në Teatrin e Institutit të Lartë të Arteve (sot Akademia e Arteve), më pas në Teatrin Kombëtar, deri sa doli në pension. Presidenti Bamir Topi, i akordoi Robert Ndrenikës titullin e lartë “Nder i Kombit” (në vitin 2012).

Për shumë vite punoi si aktor i lirë pas pensionit.Midis të tjerash, ka interpretuar: “Besa” e Sami Frashërit, “Ura” e Minush Jeros, “Prefekti” i Besim Levonjës, “Familja e peshkatarit” e Sulejman Pitarkës, “Bashkë me agimin” e Kolë Jakovës, “Midis dy njerëzve” e Kiço Blushit, “Skënderbeu” i Lec Shllakut, “Gjenerali i ushtrisë së vdekur” dhe “Stinë e mërzitshme në Olimp” të Ismail Kadaresë, “Lumi i vdekur” i Jakov Xoxës, “Fytyra e dytë” dhe “Shkëlqimi dhe rënia e shokut Zylo” të Dritëro Agollit, “Shkallët” dhe “Shtëpia me dy porta” të Ruzhdi Pulahës, “Shumë zhurmë për asgjë”, “Nata e dymbëdhjetë” dhe “Zbutja e kryeneçes” të Shekspirit, “I sëmuri për mend” dhe “Kopraci” të Molierit, “Udha e largët” e Arbuzovit, “Luiza Miler” e Shilerit, “Prometeu” dhe “Njeriu që pa vdekjen me sy” të Viktor Eftimiut, “Dashuri e tillë” e Kohoutit, “Banja” e Majakovskit, “Arturo Ui” e Brehtit, “Vdekja e një komisioneri” e Millerit, “Vizita e damës plakë” e Dyrrenmatit, “Magjia e madhe” dhe “Cilindri” të De Filipos, “Darka e të marrëve” e Veberit, “6 vjet shtatzënë” e Cikliropulosit, “Pulëbardha” e Anton Çehovit, “Histori zooparku” e Ollbit, etj.

Disa nga filmat ku ka luajtur: Kronikë provinciale (2009); Parullat – (2001) ; Përrallë nga e kaluara – (1987); Dhe vjen një ditë – (1986) ; Gurët e shtëpisë sime – (1985); Tre njerëz me guna – (1985); Shi në plazh – (1984); Shirat e vjeshtës – (1984);Nxënësit e klasës sime – (1984); Kohë e largët – (1983); Besa e kuqe – (1982); Nëntori i dytë – (1982); Vëllezër dhe shokë – (1982); Një shoqe nga fshati – (1980); Ditët që sollën pranverën – (1979); Mësonjëtorja – (1979); Në shtëpinë tonë – (1979); Koncert në vitin 1936 (1978); Shembja e idhujve – (1977); Emblema e dikurshme – (1976); Duke kërkuar 5-orëshin – (1974); Rrugë të bardha – (1974); Shtigje të luftës – (1974); Kryengritje në pallat – (1972; Odiseja e tifozave – (1972); Kapedani – (1972),’ I teti në bronz – (1970); Horizonte të hapura – (1968); Oshëtimë në bregdet – (1966).

Një urim i ka bërë dhe kryeministri Rama në rrjetet sociale, ku ka postuar një foto të aktorit të madh.

“Edhe 100, gëzuar”, shkruan Rama.

 

View this post on Instagram

 

A post shared by Edi Rama (@ediramaal)

j.l./ dita