Kryeministri i Kosovës, Albin Kurti është shprehur kundër krijimit të Asosacionit të komunave serbe.
Në një intervistë për “RTK2”, kryeministri Kurti tha se është i gatshëm për diskutime për të drejtat e komuniteteve që nuk janë shumicë.
“Jam gati për bisedime për të drejtat e pakicave, të komuniteteve joshumicë, jam gati për këtë. Por duhet ta kuptoni se është shumë e rëndësishme që ata që duan më shumë të drejta sesa u jep plani i Ahtisaarit, e mbajnë barrën e argumentimit – pse u duhen më shumë.
Ahtisaari mori çmimin Nobel për Paqe, çfarë do ta plotësonte planin e Ahtisaarit, cilat janë argumentet për të metat e tij. Barra e argumentit duhet të jetë mbi ata që kërkojnë diçka tjetër apo diçka më shumë”, theksoi ai.
Duke folur për kthimin e serbëve në institucione, veçanërisht në polici, Kurti nënvizoi se nuk pajtohet me gjendjen e tanishme dhe se nuk dëshiron që serbët në veri të zëvendësohen me shqiptarë.
