Kryeministri Albin Kurti në fjalimin e tij të mbajtur në asamblenë “Open Government Partnership” në Estoni tha se Kosova është e rrezikuar nga sulmet kibernetike, të cilat sipas tij mund të vijnë nga aleatët e Rusisë.
Ai tha se në dritën e sulmeve kibernetike digjitalizimi bëhet edhe më i rëndësishëm, sipas tij, Kosova është e pajisur me internetin në gjithë territorin e saj dhe se kosovarët kanë mundësi në qasjen në marketin ndërkombëtar.
Ai shtoi se Kosova është e hapur që të mësojë nga aleatët e saj për një demokraci sa më të fortë digjitale.
“Është kënaqësi që të jem ne Estoni. Estonia është një histori suksesi e digjitalizimit. Ajo ua ka lehtësuar jetën qytetarëve të saj përmes digjitalizimit. Në dritën e sulmeve kibernetike, digjitalizimi bëhet edhe më i rëndësishëm. Me internetin që shtrihet në gjithë territorin e Kosovës, qytetarët tanë kane mundësi në marketin ndërkombëtar”.
“Kështu mund ta përmirësojmë efikasitetin e shëndetësisë, gjyqësorit dhe ta rrisim produktivitetin e gjithë ekonomisë. Mirëpo çdo e mirë, ka edhe kërcënimet e saj. Në Kosovë, aleatët e Rusisë kanë tendenca të bëjnë sulme kibernetike. Jemi të hapur të mësojmë nga ju për një demokraci sa më të fortë digjitale”, tha ai.
p.c/dita
