Për ambasadorin rus në Beograd, zgjidhja e dialogut Kosovë-Serbi mund të vijë vetëm me mbështetjen e Rusisë dhe Kinës. Në një intervistë ambasadori rus në Beograd, Aleksandar Bocan Harchenko, tha se Moska “vlerëson shumë këmbënguljen” dhe “sjelljen heroike” të Presidentit të Serbisë në shmangien e sanksioneve kundër Rusisë.
Harchenko ka hedhur poshtë mundësinë e arritjes së një marrëveshjeje ndërmjet Serbisë dhe Kosovës jashtë Këshillit të Sigurimit të OKB-së (KS). “Duke përfshirë mbështetjen e Rusisë dhe Kinës, si anëtarë të përhershëm”, Bocan Harchenko theksoi qëndrimin e Kremlinit se tema duhet të kthehet në KS.
Me vlerësimin se “biseda është e nevojshme”, Boçan Harçenko tha se “nuk ka rrugë tjetër për të gjetur një zgjidhje ligjore afatgjatë dhe ndërkombëtare” jashtë OKB-së.
“Dhe kjo është arsyeja pse ne kërkojmë – vetëm BE-ja nuk ka dëgjuar më parë, dhe as tani – që dialogu Beograd-Prishtinë të zhvillohet në bazë të Rezolutës 1244, duke u nisur nga fakti që BE-ja mori pëlqimin dhe mbështetjen nga Asambleja e Përgjithshme e OKB-së”, tha diplomati rus.
m.b./dita
