Më 02.12.1998 filloi punën kopshti ‘Andrra’, themeluesi i tij është një emër i njohur, i cili e njihte shumë mirë arsimin që nga parashkollori e deri në arsimin e lartë. Ky ishte dok. Burim Husi njeri me personalitet dhe integritet në këtë fushë. Jemi në vitet e para të pluralizmit ku shoqëria jonë akoma nuk ishte përshtatur me elementet e sistemit të ri.
Sektori privat që është baza ekonomike politike e sociale e kapitalizmit nuk konceptoheshin si e tillë.
Elementi me funksional që filloi menjëherë ishte tregtia e brendshme dhe e jashtme se në këtë sektor pati mungesa të theksuara dhe rezultatet fitimprurëse ishin të menjëhershme. Kurse sektorët e tjerë shiheshin me shumë dyzim dhe me rrezik të lartë.
Mbi këtë mentalitet të kohës filloi të mendohej dhe për krijimin e sektorëve të tjerë privat si arsim, shëndetësi, ndërtim etj.
Në këtë kohë një eksperiencë të padiskutueshme dhanë vendet fqinje dhe diaspora.
Kështu filluan të lulëzonin ndërmarrjet e para private në të gjithë sektorët e ekonomisë.
Dhe në fushën e arsimit dhanë një ndihmë të madhe vendet fqinje me hapjen e shkollave me fondet e tyre dhe me programe dhe cilësi në mësimdhënie shumëfish më të lartë.
Kështu filloi hapja e shkollave 8-vjeçare jopublike nga sipërmarrës shqiptarë, krahas shkollave filluan dhe kopshtet e para për fëmijë, struktura parashkollor.
Këto institucione dalloheshin jo vetëm për shërbimin dhe edukimin, por dhe për kujdesin shëndetësor, transportin dhe shumë e elemente të tjerë të domosdoshëm që nuk i gjejë në kopshtet publike. Në këto rrethana dhe në bazë të eksperiencës në fushën e arsimit të ideatorit të këtij institucioni lindi, u rrit dhe vazhdon rrugën e tij shumë të bukur kopshti “Andrra”.
Si i pari kopsht për fëmijë i hapur nga sipërmarrës shqiptar.
Para tij ishin hapur kopshtet e fëmijëve ‘Turgut Ozal’ dhe ‘Feniks’ nga fondacione të huaja.
Prandaj Kopshti “Andrra” ka të drejtë të krenohet se është i pari kopsht privat i hapur nga sipërmarrës shqiptarë.
Fillimi ishte i vështirë. Kopshti kishte 5 fëmijë dhe një personel të kufizuar. Në themel të punës se tij ky institucion përgatit dokumentacionin bazë të tij.
Në bazë të këtyre dokumentave, institucioni përgjigjej për mirërritjen (shërbim-ushqim), edukimin, argëtimin dhe pushimin e fëmijëve.
Fëmija në kopsht nuk duhet të ishte i stresuar por të ndjente veten si në familje, të ishte i lirshëm dhe ta donte kopshtin, pra të vinte më dëshirë në kopsht.
Kopshti ‘Andrra’ me një mjedis dhe përkushtim nga i gjithë personeli e ka arritur këtë objektiv. Kjo duket dhe tek brezat që kanë kaluar vitet e fëmijërisë në këtë institucion që megjithëse janë rritur shpesh e kujtojnë kopshtin “Andrra”. Ata u rritën në këtë institucion me dashuri, përkushtim edukatë dhe kulturë qytetare e arsimore që të jenë gjithmonë në pararojë.
Personeli me një disiplinë korrekte iu përmbajt këtyre kërkesave dhe ka bërë që kopshti “Andrra” dhe sot të jetë në kopshtet e preferuara.
Kopshti ‘Andrra’ vazhdon punën me shumë dinjitet dhe dashuri si ditën e parë të tij.
Kjo ka bërë që ky institucion të këtë emër dhe personalitet dhe sot pas 24 vjetësh punë të palodhura nga gjithë personeli që ka punuar në vite, punon dhe do të punoj në këtë institucion. Personeli i tij duke filluar nga administratorja Zj.Elmira Aga një grua e nënë që të pret me një buzëqeshje të ëmbël e deri tek edukatoret, mësueset, gra të përkushtuara në punë duke dhënë besueshmërinë për fëmijën.
Slogani ynë gjithnjë ka qenë ‘Prindi të dorëzon shpirtin, kështu që jepni maksimumin që ky shpirt të zhvillohet e të jetë i lumtur.
Drejtoreshë, Elmira Aga
