Britania e Madhe në bashkëpunim me Shqipërinë kanë intensifikuar punën për të frenuar emigracionin ilegal, kryesisht kalimet me varka në kanalin La Mansh. Me anë të një komunikate të përbashkët Shqipëri-Mbretëri e Bashkuar thuhet se nga dhjetori deri në javën e parë të prillit janë kthyer gjithsej 1000 emigrantë të paligjshëm. Teksa 500 të tjerë bëhet me dije se janë kthyer vullnetarisht.
Këto të dhëna përfshijnë shtetas që nuk mund të marrin azil, shkelës të ligjit si dhe ata që janë kthyer vullnetarisht prej nënshkrimit të Komunikatës së Përbashkët më 13 dhjetor të vitit të shkuar. Policia Kufitare dhe Migracionit u bën thirrje të gjithë qytetarëve të ndjekin rrugën legale të migrimit dhe garanton se të gjithë personat që shkelin ligjin do të përballen me pasojat.
