Gjykata e Posaçme e Apelit vendosi të mërkurën më 31 korrik pranimin e kërkesës së Prokurorisë së Posaçme, SPAK për vendosjen e skuestros preventive mbi një apartament të ish-kryetarit të Bashkisë Himarë, Jorgo Goro, duke rrëzuar Shkallën e Parë që kishte refuzuar të vendoste sekuestro mbi këtë pasuri.
Në njoftimin e Gjykatës së Posaçme të Apelit thohet se gjyqtari Florjan Kalaja, ka vendosur ndryshimin e vendimarrjes së Shkallës së Parë që kishte rrëzuar më 15 korrik kërkesën e SPAK për sekuestrimin e një apartamenti me sipërfaqe 81.41 m2, të zotëruar nga Goro.
Prej marsit të këtij viti Goro gjendet në burg pasi akuzohet nga SPAK se në bashkëpunim me vartës dhe zyrtarë të Kadastrës, nëpërmjet dokumenteve të falsifikuara kanë mundësuar kalimin e sipërfaqeve të konsiderueshme tokë shtet në Himarë, në favor të privatëve, pasuri që aktualisht janë në zoytërim të një shoqërie të Artan Gaçit, bashkëshortes së deputetes socialiste Olta Xhaçka, i cili ka fituar statusin e investitorit strategjik.
Pozita e tij u rëndua pasi në fillim të korrikut, SPAK ngriti dhe një akuzë të re, në lidhje me përfitimin e paligjshëm të 4 dynymëve tokë nga Arqile Bollano.
