Presidenti i ri i Argjentinës, Javier Milei ka tërhequr vendimin për anëtarësim në organizatën BRICS, duke i dhënë një goditje shtetit rus dhe atij kinez, të cilat ishin kryesoret në këtë organizatë, rivale e G7.
Në një letër drejtuar liderëve të Brazilit, Rusisë, Indisë, Kinës dhe Afrikës së Jugut, Milei tha se vendimet e marra nga qeveria e mëparshme ishin rishikuar. Vendet e BRICS shihen shpesh si një kundërpeshë ndaj botës së udhëhequr nga Perëndimi.
Argjentina ishte në mesin e disa vendeve që pritej t’i bashkohej grupit. Ndryshimi i vendimit vjen pasi Milei, i cili fitoi zgjedhjet në muajin nëntor, po merr vendime radikale për të rigjallëruar ekonominë e kombit të Amerikës së Jugut. Ai pasoi Alberto Fernandez, pikëpamjet e të cilit ishin më të lidhura me ato të anëtarëve ekzistues të bllokut.
p.c. / dita
