Njoftohet arrestimi në Francë i të shumëkërkuarit Behar Bajri. Duket se ka qenë një operacion i përbashkët i Interpol Tiranës me Njësinë FAST, që lokalizuan shkodranin e kërkuar të dosjes së bujshme “Metamorfoza”.
Lajmi pritet të konfirmohet edhe zyrtarisht, por mediat online dhe visive transmetuan informacionin e ndalimit dhe tani mbetet nisja e procedures së ekstradimit drejt Rinasit.
Bajri është ndër 15 personat e dosjes voluminoze me pergjimet e platformës SKY Enchrochat, me akuza për vrasje, tentative vrasje dhe 10 vepra të tjera penale.
Më parë janë ndaluar biznesmeni Pëllumb Gjoka, si porositës vrasjeje, prokurori Xhevahir Lita si mbyllës i hetimeve, dy ish-oficerë të lartë policie, ish-kampioni i boksit Astmer Bilali, teksa në kërkim janë 9 persona; mes tyre Ervis Martinaj, ‘mbreti i kumarit’ i zhdukur mistershëm prej më shumë se një viti dhe miku i tij Eljon Hato.
