I shumëkërkuari i drejtësisë shqiptare, Lulzim Berisha është arrestuar në Spanjë.
Lajmi konfirmohet nga Policia Shqiptare, e cila thotë se ka nisur procedurat, që Berisha të ekstradohet për t’u përballur më pas me drejtësinë shqiptare.
Njoftimi i Policisë:
Vijojnë operacionet dhe bashkëpunimet e suksesshme me homologët, për kapjen e shtetasve të shpallur në kërkim ndërkombëtar, me rrezikshmëri të lartë shoqërore.
Finalizohet operacioni policor i koduar “Sant Joan”. Si rezultat i bashkëpunimit të FAST Albanias me FAST Spanjën, falë informacioneve të siguruara përmes inteligjencës policore nga Policia e Shtetit dhe shkëmbimiet të tyre në kohë, me strukturat e Policisë spanjolle, u bë e mundur kapja e shtetasit me rrezikshëmri të lartë shoqërore Lulzim Berisha.
Vijon bashkëpunimi me autoritetet spanjolle, për plotësimin e dokumentacionit, me qëllim ekstradimin e këtij shtetasi, në Shqipëri.
j.l./ dita
