Arsenal bind në transfertën e Newcastle, të cilën e fiton me rezultatin 0-2. Vendasit u treguan shumë luftarakë, megjithatë ishin “The Gunners” ata që gjetën rrjetën, me Odegaard që realizoi një super gol në minutën e 14’.
Pavarësisht tentativave nga ana e Newcastle, pjesa e parë u mbyll me rezultatin 0-1. Në fraksionin e dytë Arsenal do të thellonte avantazhin në minutën e 71’, ku pas një super goditje nga Martinelli, Schar do të bënte autogol, për të vulosur rezultatin e kësaj sfide.
Pas raundit të 35-të të Premier League, Arsenal shkon në kuotën e 81 pikëve një më pak se Manchester City kryesues, por me këta të fundit që kanë një ndeshje më pak. Newcastle, nga ana tjetër vijon të mbetet në vend të tretë me 65 pikë të grumbulluara, por me një ndeshje të prapambetur.
