Një atentat ishte parashikuar ndaj ministrit të Jashtëm të Maqedonisë së Veriut, Bujar Osmani, më 14 Shkurt. Kështu raportojnë mediat moldave të cilat japin detaje të kryerjes së atentatit që sipas saj do të ishte me anë të makinës-bombë.
Lajmi është publikuar në portalin moldavez “Realitatea”.
Në të shkruhet se akti duhej të ndodhte gjatë vizitës së Osmanit në Transnistri (Pridnestrovje) një rajon separatist në Moldavi, që tashmë tri dekada nuk është në kontrollin e autoriteteve të Moldavisë.
Në Transnistri jetojnë forca lojale të Moskës, kurse në këtë rajon janë të stacionuar rreth 2.000 ushtarë rusë.
“Tiraspol paraqet hipoteza të reja të prejardhjes së bregut të majtë të Dniestër. Kievi akuzohet për planifikimin e një sulmi ndaj misionit të OSBE-së në Bender, përveç vrasjes së liderëve separatistë. Shpërthimi do të ndodhte më 14 shkurt, kur kryesuesi i OSBE-së, Bujar Osmani, të ishte duke vizituar rajonin.
Në delegacion ishin rreth 20 persona. Dhe në këtë rast, bëhej fjalë për një makinë në të cilën ishte vendosur një lëndë plasëse. Automjeti do të parkohej pranë kalasë Tighina. Tiraspol pretendon se delegacioni do të hidhej në erë rrugës për në Kishinau, por ekzekutori e kishte braktisur idenë, për të mos vënë në rrezik jetën e tij,”-shkruhet në median që publikoi shkrimin.
m.b./dita
