Një aksident ka ndodhur në aksin rrugor Gostimë-Cërrik, në Elbasan këtë të mërkurë. Autobusi i drejtuar nga një 51-vjeçar u përplas me një automjet që drejtohej nga një 52-vjeçar.
Shoferi i makinës është lënduar dhe ndodhet në spital duke marrë mjekimin e nevojshëm, jashtë rrezikut për jetën.
Në spital u dërguan edhe 5 shtetas të tjerë, pasagjerë në autobus, të cilët pasi kryen ekzaminimet mjekësore, u larguan në banesa.
Me drejtuesin e autobusit, shtetasin A. Xh., po kryhen veprimet procedurale.
Shërbimet e Sektorit të Qarkullimit Rrugor dhe grupi hetimor vijojnë punën, për sqarimin e rrethanave të aksidentit.
a.c./dita
