Një person u vra, kur një aeroplan me një motor u përplas në një kodër me bar, mbi shtëpitë në një lagje të Los Anxhelos, mes mjegullës së dendur, thanë autoritetet. ‘Cessna C172’ u rrëzua rreth orës 20:45 të së shtunës, në anën perëndimore të qytetit, rreth 8 milje në juglindje të aeroportit Van Nuys, thanë Departamenti i Zjarrfikësve në Los Anxhelos dhe Administrata Federale e Aviacionit. Joubin Solemani ishte në shtëpi me familjen e tij në zonën luksoze ‘Beverly Crest’, kur të gjithë dëgjuan një përplasje të fortë. “Ne menduam se mund të ishte një aksident me makinë, por shikuam jashtë dhe nuk pamë asgjë. Ne nuk e dinim se çfarë dreqin ishte”, tha Solemani. “Pastaj u shfaqën kërkim-shpëtimi dhe ishin në të gjithë shpatin e kodrës”.
Pas kërkimeve për disa orë në errësirë dhe “mjegull të trashë të nivelit të tokës”, ekuipazhet gjetën vendin e përplasjes dhe një person të vdekur në rrënojat, tha departamenti i zjarrfikësve në një deklaratë. Piloti ishte pasagjeri i vetëm i avionit, tha FAA. Avioni shmangu goditjen e linjave të energjisë dhe një rezervuari të madh uji dhe, thanë zyrtarët, pati një zjarr minimal. FAA dhe Bordi Kombëtar i Sigurisë së Transportit do të hetojnë.
