Kina ka hedhur poshtë dyshimet e amerikanëve se balona e cila është pikasur duke fluturuar mbi Shtetet e Bashkuara ka për qëllim spiunazhin.
Por ajo ka pranuar se balona vinte nga Kina dhe qëllimi i mjetit fluturues ishte për kërkime meteorologjike dhe shkencore.
Sipas ministrisë së Jashtme të Kinës, mjeti fluturues ka devijuar rrugën dhe ka dalë në hapësirën ajrore amerikane.
SHBA më herët njoftoi se objekti ishte një balonë mbikëqyrjeje që operon në lartësi të mëdha, që po kalonte mbi vendndodhje sensitive për të mbledhur informacion.
Për shkak të dyshimeve, edhe sekretari amerikan i Shtetit Antony Blinken shtyu një vizitë të profilit të lartë në Kinë, e cila do të mbahej të dielën.
m.b./dita
