Për menaxherin e zyrës së Bankës Botërore në Shqipëri Emanuel Salinas modeli ekonomik i vendit ka nevojë për transformim, duke u orientuar nga eksportet dhe shfrytëzimi i burimeve natyrore dhe jo nga sektori i ndërtimit dhe konsumit. Gjatë fjalës përshëndetëse të mbajtur në workshopin “Inxhinieria e qëndrueshme në 360 gradë” e zhvilluar në Tiranë nga Italian Trade Agency (ITA) në bashkëpunim me Shoqatën e Inxhinierisë, Arkitekturës dhe Konsulencës Teknike- Ekonomike në Itali (OICE), teksa vlerësoi pozitivisht trendin rritës të ekonomisë dhe uljes së varfërisë, theksoi se Shqipërisë i nevojitet një modeli i ri ekonomik për të shtuar produktivitetin dhe vendet e punës.
“Nëse do të shihni përbërjen e GDP-së, peshën kryesore e zë sektori i ndërtimit dhe konsumi. Që Shqipëria të zhvendoset nga niveli i mesëm në nivelin e lartë të të ardhurave për frymë, duhet të ndodhë një transformim. Duhet të zhvendoset nga pagat e ulëta dhe produktiviteti i ulët, te prodhimi me vlerë të shtuar më të lartë dhe më i orientuar nga eksportet. Fokusi duhet të jetë në shfrytëzimin e burimeve natyrore për rritjen e produktivitetit dhe të investimeve. Pra që të ndodhë transformimi nga ndërtimi dhe konsumi, ekonomia duhet të orientohet drejt rritjes së eksporteve”.
Menaxheri i zyrës së Bankës Botërore në Shqipëri Emanuel Salinas u ndal edhe te problematika e fuqisë punëtore, ku sipas tij në bashkëpunim me qeverinë po punohet për rritjen e cilësisë së edukimit të të rinjve dhe në sektorin shëndetësor. “Për sa i përket fuqisë punëtore, ne e dimë që në Shqipëri ashtu si në shumë vende të tjera të rajonit po humbet me shpejtësi një pjesë e konsiderueshme e kapitalit njerëzor. Plazhet e bukura apo malet nuk janë burimi i Shqipërisë, është kapitali njerëzor burimi i saj, njerëzit e talentuar të këtij vendi, sidomos të rinjtë.
Kontributi i tyre është i rëndësishëm për rritjen e produktivitetit të ekonomisë dhe ardhjen e kompanive të huaja. Por kjo është një gjë për të cilën ne të gjithë se bashku duhet të bëjmë më shumë. Nga ana jonë jemi duke punuar me qeverinë për të rritur cilësinë e edukimit të të rinjve në shkollat profesionale dhe në universitete. Gjithashtu po punojmë edhe në sektorin e shëndetësisë, pasi është shumë e rëndësishme të krijojmë oportunitet që popullata të qëndrojë në Shqipëri.
Tre janë prioritet e Bankës Botërore në Shqipëri: E para është të krijohen vende pune, dhe me paga të larta. Ka vende punë në sektorin e ndërtimit, në sektorin katering, por nuk ofrohen vende pune në sektorë të tjerë. Prioriteti i dytë është kapitali human. Kjo është e rëndësishme jo vetëm për vendin, por ehe për kompanitë e huaja që vijnë në Shqipëri. Prioriteti i tretë është rimëkëmbja e vendit, pas goditjeve nga tërmetit të 2019-s, pandemia e Covid-19 apo kriza energjetike”, pohoi ai.
Mbajtja e forumit në Tiranë për infrastrukturën, mori shkas nga zhvillimi i dukshëm i viteve të fundit i arritur në ketë sektor dhe perspektivat e mëtejshme të rritjes që lidhen me programet e investimeve të qeverisë në funksion të anëtarësimit të ardhshëm të Shqipërisë në BE. Ndër të tjera, nisma synoi forcimin e ndërsjellë të bashkëpunimit për ofrimin e eksperiencës të sipërmarrësve italianë ndaj atyre shqiptarë dhe nga Kosova për adoptimin standardeve europiane, në projektime inxhinierike me qëndrueshmëri ekologjike, si për veprat publike dhe investime private që po zhvillohen në Shqipëri.
Monitor
Kerto orientime qe tregon per ekonomine e Shqiperise menaxheri i BB ne Tirane Emanuel Salinas nga nje vesh i hyjne e nga tjetri i dalin Edi Rames me njohuri ZERO ne Ekonomi e ministrit te tij memecit te rradhes ne Ekonomi .
E kam shkruajtur këtu tek Dita këtë që thotë përfaqsuesi i BB-së. Problemi nuk qëndron që të shahet Qeveria e Ramës dhe të lëvdëroget qeveria e PD-së, sepse janë si nata me ditën, por që ekonomia duhet të shkojë paralelisht, turizmi, ndërtimi, prodhimi industrial, eksporti të ballancojë importet, etj. Kjo është rruga e duhur, që të ketë zhvillim të plotë, përndryshe ato fitime që vijnë nga turizmi, ikin jashtë më importe ushqipesh, të cilat mund t’i prodhosh brënda. PD-ja është përgjegjëse për shkatërimet e bazës industriale në vitet 1990, si në asnjë vënd tjetër dhe fatkeqsisht janë po të njëjtët që përfaqsojnë opozitës!!!
Po migrimi vlen si eksport?
Nuk duhen mend as laps. Nuk ka nevoje te na i thote Salinasi se “Duhet te orientohet ekonomia drejt eksporteve”. Ky eshte nje truizem dhe nuk ka shqiptar qe nuk e di.
Tani themi, o burra, e gjetem zgjidhjen: turizmi!, agroturizmi, etnoturizmi. Ja keto do ta nxjerrin Shqiperine nga varferia!!!.
O burra, te shesim portet per te sjelle krocierat (italisht sepse nuk i themi dot shqip, kryqezoret). Ne zeme vendin e pare ne bote per numrin e grave ministre (ia kaluam edhe Nikaraguas). Ne ngreme pedonale e lungomare (jo shqip-shetitore dhe buzedet), ne kompozojme tallava; ne bejme konkurse bukurije dhe “Big Brothers”. A nuk jane keto suksese qe na bejne te krenohemi ne dhe qeverite tona? Ne e kemi ngritur ketu Evropen dhe Ameriken bashke, vellezer por nuk kemi sy t’i shohim sukseset madheshtore e 30 vjeteve te fundit, thote me te drejte Pilo Lala. A nuk jane keto suksese madheshtore te qeverive dhe politikaneve tane te 33 vjeteve te fundit (nje e trete e shekullit)?
Kujt i duheshin 500 fabrika dhe uzina qe ndertuam ne kohen e merhumit? Vetem 6 muaj iu deshen “liderit historik” Sali Berisha dhe heroit trapajan Azem Hajdari t’i shkaterronin te gjitha nga themeli si ne asnje vend tjeter te botes, t’i shesin per skrap e t’i benin rrush e kumbulla ato qe ketij populli iu deshen 50 per t’i ngritur.
Ne kemi 30 vjet “demokraci” dhe nuk kemi ngritur dot asnje fabrike a uzine.
Ne nuk kemi c’te eksportojme dhe tani rrime te ngrohemi ne diell!
“Ku e lame e ku na mbeti,
Vaj vatani e mjer mileti”