Banorët e Bërxullës kanë dalë përsëri sot në protestë, për të mbrojtur banesat e tyre nga projekti i aksit Thumanë-Kashar e në veçanti të pakënaqur me fondin e shpronësimit. Me lot në sy, një banore tha se nuk do ta lëshojë tokën, nëse nuk merr zgjidhjen që kërkon. “Prona është e shenjtë, do e mbrojmë me gjak”, thonë banorët. B
anorët këmbëngulin se tokat e tyre preken nga ndërtimi i aksit Thumanë-Kashar dhe se për këtë do të protestojnë çdo ditë derisa të gjejnë zgjidhje. Ata kanë akuzuar qeverinë. Banorët e Bërxullës kanë dalë sërish në protestë për të mbrojtur banesat e tyre nga projekti. “Prona është e shenjtë, do e mbrojmë me gjak. Ne nuk dorëzohemi. S’kam parë pushtet më të poshtër, Rama na ka bërë skllevër! Ai është kryeministri më i keq në të gjithë botën. Më hajduti. Të rinjtë do bëjnë roman për Ramën, që është hajduti”, tha një tjetër. Kurse të tjerë u shprehën se administrata publike është një institucion shterpë që nuk u ka shërbyer.
“Po protestojmë çdo ditë. Dje ishim tek Hipoteka. Atje nuk është administratë publike por han. Aty është për qejf, punonjës nuk ka. Qëndrojnë nëpër zyra sa të bëjnë sehir, s’ka shërbim për popullin. Njeriu duhet të jetë vigjilent, të kërkojë të drejtën e tij. Është padrejtësi që bëhet në të gjithë Shqipërinë. Emigrimet janë bërë normale këtu”, u shprehën ata. Banorët pretendojnë se nuk kanë marrë asnjë njoftim lidhur me projektin, e as për shpronësimet. Sipas tyre, kompania “Gener2”, që ka fituar koncesionin, ka nisur punën në terren pa pasur një leje ndërtimi dhe në kundërshtim me ligjin duke theksuar se dëmshpërblimi i ofruar është qesharak. Banorët kërkojnë vetë diskutime dhe konsultim publik, duke paralajmëruar se protestat e tyre do të jenë të pandalshme.
