Për herë të parë Beogradi zyrtar ka dalë me një deklaratë në dukje kundër interesave të Moskës.
Presidenti serb Aleksandar Vuçiç kritikoi faqet e internetit të Rusisë dhe grupet e rrjeteve sociale për publikimin e reklamave në gjuhën serbe, në të cilat grupi Wagner thërret vullnetarë serbë që t’u bashkohen radhëve të tij.
“Nuk është e drejtë që dikush thërret njerëzit në Serbi, e cila është e vetmja që nuk i ka vënë sanksione Rusisë, të luftojnë në Ukrainë, kur dihet se kjo është kundër rregullave tona”, tha presidenti serb të hënën vonë në një intervistë në televizionin Happy.
Gjithsesi vullnetarët serbë morën pjesë në luftime së bashku me forcat pro-ruse në Ukrainë edhe në vitet 2014 dhe 2015. m.b./dita
m.b. / dita
