Sali Berisha ka pranuar ndërhyrjet në ligje të ndërmarra gjatë kohës së qeverisjes së tij, të cilat sipas SPAK kanë favorizuar dhëndrin Jamarbër Malltezi në privatizimin e kompleksit Partizani.
Por Berisha justifikohet duke thënë se reformat që ka ndërmarrë ishin për të mirën e pronarëve dhe një ndër ta ishte dhe dhëndri.
“Qindra mijëra pronarë të tjerë kanë përfituar 30 – 40 milionë euro! Çfarë të bëja, të bëja një ligj të tillë që ju që jeni bashkëpronar me dhëndrin tim nuk do të përfitoni. Nuk kisha alternativë këtu. Ose të bëja ligjet e reformave, ose të mos i bëja fare ose të përjashtoja këta. Ka logjikë njerëzore? Askush në botë nuk mund ta thotë. Kjo është e gjitha”, tha Berisha.
Në fakt nuk është e gjitha. Ajo që është e gjitha ndodhet në shumë dëshmi që gjenden në dosjen e SPAK.
Por i bindur në tezën e tij, të cilën e thotë para gazetarëve por refuzon ta bëjë në gjykatë ku dhe është thirrur, Berisha shkon më tej kur thotë se me ligjin e sportit nuk kishte favorizuar pronarët por sportin.
“Unë absolutisht i qëndroj. Të akuzosh për korrupsion se ke favorizuar, ndërkohë unë kam defavorizuar me ligj dhe kam favorizuar sportin. Unë me ligj kam defavorizuar pronarët dhe kam favorizuar sportin. Ata që pretendojnë se do të quajnë reformat korrupsion tregojnë imoralitet të plotë”, shtoi Berisha që vetë është dalluar në fakt për “moral” të lartë.
Po pse i bën Berisha këto deklarata para gazetarëve e jo para gjykatës ku refuzon të shkojë? Sepse një deklaratë në gjykatë mbahet me procesverbal zyrtar dhe nuk mund të ndryshohet. Deklaratat publike Berisha i ndërron kur të dojë sipas rrethanave, ashtu siç ka bërë shumë herë më parë.
a.c./dita
Sali Berisha:
Po a ke ndonje justifikim per pergjigjen qe u dhe pronareve te Shtepise Qendrore te Ushtriseqe u grabite pronen si nje barbar enverist i vertete per te ngritur ne Token e Xanun seline e PD plot me spiuna te Sigurimit dhe me pinjolle te Prokurorit gjakatar, josif Pashko&Lukuni xhelatesh te komunizmit nga pas?
PO BATHOREN GRABITQARE SI LUBIA E PRONAVE DHE TRUAJVE KUSH E KRJOI?
He mo Sali Grabitqar pse po perpiqesh te sajosh justifikime enveriste grabitjet e pronave nga dhenderi yt katunar qe hiqet si pronar fallco te Partizani, truaj qe Ducja ja kishte blere pronareve te vertete dhe qe per kete shit-blerje fashiste kishte leshuar dokumenta te sakta financiare perpara se dhenderi yt te hidhej me parashyte per t’u shpallur si pronar?
Nuk pranon gjo maloku or tej!!!