Presidenti Joe Biden dhe Xi Jinping do të takohen sot në Kaliforni, një takim i shumëpritur pas 6 vitesh i presidentit kinez në SHBA. Biden shpreson se bisedimet do të ndihmonin në përmirësimin e një marrëdhënieje jo shumë të mirë SHBA-Kinë, e shënuar nga dallime të mëdha gjatë vitit të kaluar.
Udhëheqësi kinez ka të ngjarë të përpiqet të forcojë ekonominë e trazuar të vendit të ti, në vizitën e cila pritet të zgjasë 4 ditë që përfshin pjesëmarrjen e tij në forumin ndërkombëtar të Bashkëpunimit Ekonomik të Azi Paqësorit.
Udhëheqësit e dy ekonomive më të mëdha në botë nuk kanë folur që kur u takuan për herë të fundit në Bali, Indonezi në nëntor 2022.
Pritjet për përparime të mëdha në takimin e së mërkurës janë të ulëta.
Vizita në Kaliforni do të jetë gjithashtu një mundësi për Xi që t’i paraqesë biznesmenëve amerikanë idenë se Kina mbetet një vend mundësish dhe është e përkushtuar ndaj reformave pro-biznesit që kanë nxitur rritjen e saj meteorike në dekadat e fundit.
Xi pritet ta theksojë këtë pikë gjatë një fjalimi drejtuar udhëheqësve të industrisë amerikane në një darkë këtë javë.
j.l./ dita
