Biznesi po kalon ditë të vështira edhe në Shqipëri, ndikuar nga faktorë si kriza ekonomike, post-COVID, rënia e fuqisë blerëse-punëtore apo edhe demografia dhe migracioni. Rezulat janë falimentimet, por edhe deri përleshjet mes pronarëve të subjekteve për klientelën, si rasti i ndodhur sot.
Policia ka dhënë detaje në lidhje me sherrin që ka ndodhur paraditen e sotme mes dy pronarëve në Elbasan.
Mësohet se debati fillimisht ka nisur në dhunë verbale, duke degraduar më pas në përleshje fizike mes tyre. Dyshohet se konflikti ka nisur per shkak te marjes se klientelës.
“Në lagjen “Kala”, dyshohet se për shkak të një konflikti të çastit, për motive të dobëta, shtetasi E. I., 41 vjeç ka goditur me dorezë metalike, shtetasin M. K., 60 vjeç, dhe më pas është larguar”, njoftoi policia.
Shërbimet po vijojnë kontrollet për kapjen e shtetasit E. I. Ndërkaq, 60-vjeçari po merr ndihmë mjekësore në spitalin e Elbasanit dhe është jashtë rrezikut për jetën. Grupi hetimor vijon punën për sqarimin e plotë të rrethanave të këtij rasti.
