Në prag të festave të fundvitit, kryetari i Bashkisë së Tiranës, Erion Veliaj fton gjithë qytetarët që të shkojnë te Tregu i Gjelave në Baldushk për të blerë gjelin e detit. Veliaj njofton se tregu do të jetë i hapur në datat 14-31 dhjetor.
“Tradita vazhdon në Baldushk! Nga data 14 deri më 31 dhjetor ejani të blini gjelat më të mirë të detit të rritur nga banorët e zonës dhe pse jo merrni edhe familjarët dhe shijoni një ditë të mbushur plot me aktivitete në fshat. Tregu i gjelave të detit”, shkruan Veliaj në rrjetet sociale.
Ky është viti i shtatë që në prag të festave në Baldushk hapet tregu i gjelit të detit.
p.k\dita
