Menjëherë pas përfundimit të takimit në Bruksel midis liderve të Kosovës dhe Serbisë, shefi i BE-së për Politikë të Jashtme, Josep Borrell, i ka konsideruar të përgjegjshëm Kurtin dhe Vuçiç. Sipas Borrell, ata kanë rënë dakord se nuk nevojiten diskutime tjera për planin franko-gjerman.
Të dy liderët kanë treguar sjellje të përgjegjshme. Jam i gëzuar të lajmëroj që Kurti dhe Vuçiç janë pajtuar që jo më shumë diskutime janë të nevojshme për propozimin evropian, i cili ka titullin normalizimi i marrëdhënieve ndërmjet Kosovës dhe Serbisë. Le të kuptohet se Kurti e Vuçiç e kanë pranuar përfundimisht planin franko gjerman.
Teksti i propozimit do të publikohet shumë shpejt. Fokusi i takimit ka qenë që të diskutohet propozimi i BE-së për normalizimin e raporteve mes Kosovës dhe Serbisë. Ky është një zhvillim i madh sepse nga vera e kaluar jemi përfshirë në menaxhime krizash, me fokus vetëm në kriza, nga kriza në kriza, duke tentuar që t’i kontrollojmë krizat në terren.
Ne tani po kërkojmë një zgjidhje të qëndrueshme. Ky propozim, i Bashkimit Evropian, është i miratuar nga Këshilli i Evropës. Lajçak ka udhëtuar rregullisht, ka qenë 10 herë në Prishtië dhe 8 herë në Beograd”, tha ai.
Ai po ashtu njoftoi se nga mesi apo fundi i marsit do të mbyllin tërësisht procesin.
m.b./dita
