Suella Braverman, Sekretare e shtetit për çështjet e brendshme për qeverinë, raportoi në Parlamentin anglez në lidhje me situatën e të ardhurve me gomone.
Ajo nuk iu përgjigj pyetjes se sa prej 12,301 shqiptarëve të mbërritur me gomone gjatë 2022 janë dëbuar.
Megjithatë anëtarët e komisionit parlamentar, të njohur si “Select Committy” dolën në përfundimin se “ka pak prova për t’u marrë në konsideratë se shqiptarët e mbërritur ilegalisht kanë rrisqe për jetën e tyre në Shqipëri dhe mund t’ju jepet azil”.
Anëtarët e këtij komiteti në raportin e hartuar, kërkuan nga politikanët dhe komentatorët politikë nëpër televizionet angleze “të jenë të kujdesshëm dhe te vetëpërmbajtur në gjuhën e përdorur për mos t’u marrë e veçuar shqiptarët si të vetmit që po shtojnë presionin ku ndodhet sistemi i azil kërkimit.
Kjo, pasi duhen vijuar marrëdhëniet pozitive me qeverinë shqiptare dhe këto marrëdhënie duhet të jenë prioritare për te siguruar dëbimin e personave ilegalë e atyre që përfundojnë dënimet në burgjet angleze”.
Ky komitet thekson se “Britania e Madhe duhet të përmirësojë sensibilizimin për programet e vizave të punësimit në dispozicion të shtetasve shqiptarë, gjë që mund të kthehet në një ofertë ndryshe nga ato të trafikantëve që i kalojnë përmes Lamanshit me gomone dhe kjo do të ulte presionin aktual në sistemin e azil kërkimit”.
Gjatë vitit 2022, thuhet në raport, qeveria angleze lëshoi 325 viza punësimi për aplikantët shqiptarë.
“Perceptimi i vështirësive që hasen në marrjen e vizave të punës angleze përmes kanaleve legale, i detyron shqiptarët të zgjedhin rrugët e emigrimit klandestin. Prandaj ky komitet parlamentar inkurajon qeverinë në promovimin e vizave të mundshme pune për vendet e lira në mënyrë që përgjimet nga puna legale të kthehen në Shqipëri. Sugjerojmë që këto viza të jepen për punë sezonale në sektorët e ndërtimit dhe agrikulturës”, theksohet në raport.
j.l./ dita
