Mbretëria e Bashkuar do të kontribuojë me gati 500 milionë paund gjatë tre viteve të ardhshme për të ndihmuar Francën të frenojë emigrantët që kalojnë Kanalin me varka të vogla.
Financimi u njoftua gjatë një samiti midis kryeministrit të Mbretërisë së Bashkuar Rishi Sunak dhe presidentit francez Emmanuel Macron.
Paratë do të shkojnë për ngritjen e një qendre të re paraburgimi në Francë dhe rritjen e patrullave në plazhet franceze.
Kjo shumë përfaqëson një rritje të madhe të asaj që po paguan aktualisht Mbretëria e Bashkuar.
Franca do të kontribuojë në mënyrë të konsiderueshme më shumë fonde për projektin, megjithatë nuk ka ende detaje rreth shumës së përgjithshme.
Presidenti francez Emmanuel Macron vlerësoi përpjekjet e përbashkëta të ekipeve të Mbretërisë së Bashkuar dhe ato franceze që punojnë për të reduktuar kalimet me varka të vogla.
Duke folur në një konferencë për shtyp me Sunak, Macron tha se ekipi kishte parandaluar 30,000 kalime me varka të vogla dhe kishte kryer 500 arrestime.
o.j/dita
