Britania e Madhe mbështet Kosovën në kërkesën e saj për tu anëtarësuar në Bashkimin Evropian.
Gjatë seancës së sotme në Asamblenë Parlamentare, përfaqësuesi i Britanisë së Madhe, John Howell deklaroi se Kosova duhet të ecë përpara me anëtarësimin në Këshillin e Evropës.
Në një debat të mbajtur me iniciativën e Britanisë së Madhe në selinë e Këshillit të Evropës, Hoëell kërkoi që çështja e anëtarësimit të Kosovës të ndahet nga progresi në dialogun e Kosovës me Serbinë, i cili ndërmjetësohet nga Bashkimi Evropian (BE).
“Kosova nuk duhet të mbahet peng në raport me progresin në dialogun e udhëhequr nga BE-ja. Duhet të tregojmë se Këshilli i Evropës është i ndarë nga Bashkimi Evropian dhe se ka vlerat dhe parimet e veta mbi bazën e të cilave sillen vendimet”, tha Hoëell në fjalën e tij.
Kosova e ka dorëzuar kërkesën për anëtarësim në Këshillin e Evropës, në maj të vitit 2022.
