Gazetari nga Kosova Berat Buzhala ka reaguar ashpër ndaj kryeministrit Albin Kurti pas takimit të fundit të zhvilluar në Bruksel për dialogun Kosovë-Serbi me presidentin serb, Aleksandër Vuçiç.
Gjatë diskutimit në “Top Story”, Buzhala tha se arsyeja pse bisedimet me Serbinë janë zvarritur lidhen me Kurtin. Ai shkoi më tej me akuzat duke deklaruar se kryeministri Albin Kurti “do të djegë Kosovën”.
Buzhala tha se pika 10 e draftit gjerman për Asocaiacionin është e rrezikshme, për të cilën Kurti tha para tre ditësh se nuk do ta pranojë, ndërsa sot i rrëzoi fjalët e tij me cinizëm.
“Dinamika e komunikimit tonë me Serbinë prej 1990-tës dhe më herët është tejet e komplikuar, tejet me nuance, jashtëzakonisht sfilitëse në çdo hap, vazhdimisht ke të bësh me një kundërshtar politik, edhe më shumë se aq siç është Serbia.
Përpiqet në çdo rast ta minojë çdo nënshkrim që ka bërë, ato marrëveshje që s’është pajtu. Serbia ka marrë pjesë në dialog me ne, Rambuje, te dialogu në Vjenë dhe në fund se ka nënshkruar marrëveshjen. Kjo është hera e parë që merr pjesë në një marrëveshje të rëndësishme, dhe po duket që po don me nënshkru. Ku është problemi esencial?
Problemi është te kryeministri i Kosovës, që e don me djeg Kosovën që 15 dhe ka shpall tradhtar çdo njeri. Kurrkush deri më sot nuk ka fol asociacionin në këtë formë që flet kjo marrëveshje, e kemi një statut që është punuar prej gjermanëve.
Këto pikat do shkërmoqen, do ketë dokumente te tjera, pjellë e kësaj pikës 10 e kemi draft statut gjerman, që për mendimin tim është jashtëzakonisht i rrezikshëm. A ka rrugë mos me pranu? Albin Kurti deri para 3 ditëve deklaroi që kjo temë është e vdekur, në mënyrën më cinike thoshte s’ka Asocaiacioni, gënjeshtër, sot doli tha ‘c’ka po rrokeni për një pikë të fundit të marrëveshjes’, vetëm një fjali tha është.”- tha Buzhala në Top Story.
