Zëvendëskryetari i Gjykatës së Posaçme kundër Korrupsionit dhe Krimit të Organizuar (GJKKO), Erion Bani, ka rrëzuar kërkesën e gjyqtares Irena Gjoka për të dhënë dorëheqjen nga shqyrtimi i çështjes ndaj Ilir Metës.
Gjoka ishte caktuar me short si gjyqtare e seancës paraprake për dosjen ndaj Metës, por kishte kërkuar të tërhiqej nga procesi.
Kjo kërkesë nuk u pranua nga Bani, duke konfirmuar angazhimin e saj në vijimin e procedurave gjyqësore.
Ndërkohë, në GJKKO po vijon seanca për shqyrtimin e masës së sigurisë ndaj Ilir Metës, mbi kërkesën e tij për revokim ose zbutje të masës së vendosur më herët.
j.l./ dita
