Ndikimi që gjumi mund të ketë në jetën tuaj është shumë më i madh nga ç’mund ta mendoni. Prandaj duhet të kujdeseni për cilësinë e gjumit dhe për këtë mund t’ju ndihmojnë disa rituale para se të flini.
Njerëzit e shëndetshëm dhe të suksesshëm e dinë se disa veprime të thjeshta i bëjnë të zgjohen të çlodhur dhe të gatshëm për të filluar ditën. Kjo është arsyeja pse ata bëjnë gjithmonë këto gjëra para se të flenë. Ç’duhet të bëni sipas tyre?
1.Vendosni një orar
Hapi i parë dhe më i mirë që mund të ndërmerrni për të pasur një gjumë të mirë është të vendosni një orar fiks gjumi dhe t’i përmbaheni – edhe gjatë fundjavave dhe festave. Për rezultatet më të mira, mos u përpiqni të luftoni ritmin tuaj personal. Disa njerëz janë të programuar të qëndrojnë zgjuar më vonë, të tjerë të zgjohen herët. Respektoni preferencat e trupit tuaj nëse është e mundur.
2.Kontrolloni dietën tuaj para gjumit
Ju nuk jeni krijuar për të tretur dhe për të fjetur në të njëjtën kohë, prandaj bëni çmos për t’u siguruar që ose ta hani herët darkën, ose të konsumoni ushqime më të lehta nëse do të hani më vonë.
3.Kujdes pijet
Pa dyshim që e dini se duhet të jeni të kujdesshëm për të mos konsumuar kafeinë vonë nëse doni të bëni një gjumë të mirë gjatë natës, por a e dini se alkooli gjithashtu mund t’ju shqetësojë gjumin? Ai mund t’ju bëjë të ndiheni të përgjumur para gjumit, por do ta bëjë gjysmën e dytë të natës shumë herë më pak të qetë.
4.Fikni pajisjet
Drita blu e emetuar nga kompjuteri dhe pajisjet e tjera mund t’ju mbajë zgjuar, kështu që fikini ato një ose dy orë para gjumit (kjo do t’ju ndihmojë gjithashtu të pastroni mendjen nga shqetësimet e ditës përpara se të flini).
5.Kujdesuni për dhomën e gjumit
Mjedisi ideal i gjumit për trupin tuaj është i freskët, i errët dhe i qetë, kështu që bëni çmos për të eliminuar zhurmën dhe dritën nga dhoma e gjumit. Një shtrat i rehatshëm është gjithashtu pa dyshim thelbësor. Zgjidhni një dyshek dhe jastëk të mirë. Dhe nëse keni kafshë shtëpiake, sigurohuni që të mos flenë pranë shtratit tuaj nëse doni që përvoja e gjumit të jetë e mirë.
6.Reflektoni
Nënndërgjegjja juaj e gjumit është një mjet i fuqishëm që mund t’ju ndihmojë të merrni vendime të vështira dhe të ëndërroni ide novatore. Gjeni pak kohë për të shkruar, ose thjesht merrni pak çaste për të reflektuar mbi çështjet me të cilat po përballeni, ditën që ka kaluar ose shpresat për të nesërmen. Ose provoni një praktikë të thjeshtë meditimi. Cilëndo metodë të zgjidhni, qëllimi është të keni një mendje të qartë përpara se të shtriheni në shtrat.
7.Bëj një ritual para gjumit
Trupi dhe mendja juaj kanë nevojë për një sinjal se është koha për të fjetur, kështu që kryeni një sërë veprimesh relaksuese çdo natë, të cilat veprojnë si çelësi juaj personal i fikjes. Leximi është i mirë, po ashtu edhe bërja e një dushi të nxehtë. Thjesht shmangni kontrollin e email-it apo punës para gjumit ose çdo aktivitet tjetër potencialisht stimulues ose stresues. Kjo mund të rrisë nivelet e kortizolit duke jua bërë më të vështirë për të fjetur.
8.Tërhiq muskujt
Kjo është veçanërisht e rëndësishme nëse kaloni një pjesë të mirë të ditës të përkulur mbi një kompjuter, ose ndryshe në pozicione që ju lënë me shumë tension. Po ashtu, joga është një opsion shumë i mirë.
9.Mos u stresoni për afatet
Një orar i rregullt i gjumit është i shkëlqyer, por mos u bëni skllav i planit tuaj ose mos u stresoni nëse nuk jeni të përgjumur në kohën e duhur. Mundohuni të merreni pak më shumë me aktivitetet tuaja të preferuara relaksuese para gjumit. Çfarëdo që të bëni, mos u fiksoni me kalimin e kohës.
a.m/dita
Natyra qe krijoi njeriun eshte me e fuqishme se Mizat Besdisese te Rregulloreve te ndyta qelbsinlleqe letra by..qe nxjerrin keto Rregullorexhijt.
1- gjume me orar fix si thote kjo rregullorja leshit-NUK KA.
2- Gjume pa mbushur barkun,,NUK KA. Gjitaret prej 60 miljone vitesh i ka krijuar Natyra,,Edhe te flene ,edhe te tresin,,E kunderta ksaj palacallujut qe thote rregullorja.Luani vetem kur e mbush tarkacin plot,,e ze gjumi.
3-Gjeni pak kohe per te shkruar thote kjo rregullorja,..Pikerisht kete mos e beni,se moret veten ne qafe,se u cmendet fare dhe nuk ju bene derman as qesja me valium.
Ndiqni recetat e demoziut dhe jo ato të sociologëve e psikologëve. Pa tallje e kom…
Plot 60 milionë vite kanë kaluar nga koha kur “demonët” (dhe gjithë kafshët e ngjashme prehistorike) e bënin gjumin shumë më të qetë se sa fjala vjen doktorët apo piktorët e sotëm…
Demonët flinin bash si qingja. Në shpella vërtet, po ama s’paguanin as qera dhe as taksë për truallin. Kafenë dhe alkooholin demonët nuk e njihnin fare.
Ushqimin e kishin 100% bio !
Gratis !
Pa tollon !
Demonët nuk zgjoheshin në tre të natës dhe zinin radhën (duke vendosur një gur) ke bulmetorja për një litër qumësht.
Mishin e piqnin fët e fët në zjarr dhe jo dy orë në soba elektrike (eh sa u ka shtrenjtu korenti…).
Demonët prehistorikë e shqyenin mishin me kthetrra e dhëmbët si të cakallit, dhe jo si sot me thikë e pirun (ngaqë s’u bëjnë punë as kicat, as protezat 36.000 € të shrenjta, dhe as thonjtë e paprera…).
Demonët jetonin pa pikën e stresit
Ata nuk dinin se cfarë ishin as librat, as gazetat, as tv, as kompjuterat, as automjetet, etj.
Preokupimi i tyre kryesor ishte se ku do ta vinin kokën natën për të fjetur (zakonisht mbi gura të mbështjellur me lëkurë dhie rëzë ndonjë peme…) dhe si ta mbushnin barkun tumllas.
Sa për ilace s’donin t’ja dinin fare. Në vend të valiumit përdornin “bimët mjeksore” që ofronte natyra, pshm. caj, tabak ose dhe kanabis (pa patur frikë se do i fuste qeveriu në burg), Ata ecnin sipas parimit “Bukë e dahon, pajdh e baston”.