Presidenti i Federatës Shqiptare të Peshëngritjes, Elez Gjoza ka përjashtuar drejtorin e klubit shumësportësh “Teuta”, Kreshnik Leka.
Mësohet se kjo asamble është mbledhur përmes një mesazhi në Whatsapp për të përjashtuar klubin e Teutës dhe Kamzës.
Ky vendim vjen pasi presidenti i klubit të Kamzës, Dashamir Çajka publikoi një foto të presidentit Gjoza, i cili i kishte dërguar një mesazh ish-punonjeses së FSHP-së, se çfarë ngjyre i donte të brendshmet.
Kur mblidhet Asambleja e Jashtëzakonshme sipas statutit, duhet të njoftohen klubet një muaj përpara me shkrese zyrtare dhe iu vihet në dijeni edhe rendi i ditës se për çfarë duhet të diskutojnë.
Gjithashtu duhet te vihet në dijeni edhe Ministira e Arsimit dhe Sportit.
Asambleja e jashtëzakonshme mbildhet me miratimin e 1/3 të anëtarëve të Federatës Shqiptare të Peshëngritjes, duke ngritur dyshime mbi paligjshmërinë e vendimeve.
Që në fillim të marrjes së mandatit, Gjoza shkarkoi dy anëtarë me vendim të Komitetit drejtues, në shkelje të statutit.
j.l./ dita
