Ministri i Punëve të Jashtme të Serbisë, Ivica Daçiç në një intervistë për mediat shprehet se qëndrimi i Beogradit për diaogun me Prishtinë është i qartë si kristali.
Ai u shpreh se nuk do të ketë marrëveshje të tjera deri sa të plotësohet marrëveshja e Brukselit. Sipas tij, anëtarësimi i Kosovës në organizatat ndërkombëtare dhe njohja ndërkombëtare janë të papranueshme.
Kryediplomati serb theksoi se vendi i tij dëshiron paqe dhe është veçanërisht irrituese kur të gjithë flasin për parimin e integritetit territorial dhe askush nuk mendon për Serbinë.
Më 27 Shkurt pritet të zhvillohet dialogu i radhës në Bruksel mes kryeministrit Kurti dhe presidentit Vuçiç, mbi atë që cilësohet si plani franko-gjerman për normalizimin e marrëdhënieve mes Serbisë dhe Kosovës.
m.b./dita
