Gjykata e Posaçme Antikorrupsion ka vendosur që seanca për ish-kryeministrin Sali Berisha i akuzuar për korrupsion do të mbahet me 26 dhjetor.
Të martën ora 10:00 në Gjykatën e Posaçme do të dëgjohen palët.
Nuk do të shqyrtohet në dhomë këshillimi por në prani të palëve, prokurorëve të SPAK, mbrojtjes së Berishës, pra avokatëve të tij dhe vetë Berishës.
Një ditë më parë, Kuvendi i hoqi atij imunitetin dhe i dërgoi Prokurorisë së Posaçme aktin duke e njohur me vendimin e marrë.
Berisha refuzoi masën e sigurisë detyrim me paraqitje me pretendimin se masa ishte vendosur në mënyrë të paligjshme nga GJKKO, pasi nuk kishte kërkuar më parë vendimin e Parlamentit për imunitetin.
Po ç’thotë tani që u mor vendimi i Parlamentit? A do të paraqitet sfiduesi i drejtësisë Sali Berisha?
“Avoketërit do të jenë ata që do më këshillojnë mua, por edhe një herë, çdo qëndrim i imi është përcaktuar nga mungesa e legjitimitetit, nuk kishte asnjë dosje aty, avokati kishte 7 faqe me vendimet e gjykatës”, tha Berisha.
p.k\dita
