Dëbora ‘pushton’ veriun e vendit, 1400 ha tokë në ujë në Shkodër

Shqipëria vazhdon të jetë nën ndikimin e reshjeve të dendura të dëborës dhe shiut.

Rruga e Arbrit vazhdon të mbetet e bllokuar në disa pjesë për shkak të reshjeve të shumta të borës.

Situata vazhdon të jetë e rënduar për banorët e zonave rurale në Shkodër.

Konkretisht aksi Bogë-Theth është i bllokuar e po ashtu edhe Qafë-Thorë Thesh, Dushaj-Lekbibaj.

ARRSH raporton se në këto zona trashësia e borës e ka kaluar 1 metër.

Ndërkohë që në Shkodër sipërfaqja e përmbytur është rritur duke shkuar në 1400 hektarë.

Probleme ka në Shkodër edhe me furnizimin me ujë të pijshëm dhe energji elektrike, duke bërë që disa zona të jenë pa energji.

Në Lezhë situata është më pranë normales. Në Lezhë janë 350 hektarë nën ujë, por nuk ka probleme me furnizimin me ujë dhe drita.

Probleme me motin ka edhe në Durrës, ku në zonën e njohur si “Currilat” rruga është bllokuar për shkak të rrëshqitjes së dherave.

j.l./ dita