Partizani luajti dje kundër Egnatias, ndeshje e vlefshme për javën e 16-të të Superiores. Një përballje mjaft interesante që nuk prodhoi fitues, por vetëm një barazim 1-1 mes dy skuadrave. Në fushë zbrisnin kampionia dhe nënkampioni i Shqipërisë.
Megjithatë as ky fakt nuk i trazoi tifozët për të qenë prezentë në shkallët e stadiumit. Në impiantin e të ‘kuqve’ vihej re një numër i vogël mbështetësish, kryesisht ultrasit e kuq që kishin mbushur cepin e tyre të preferuar. Ndërsa për llogari të rrogozhinasve, tifozët numëroheshin me gishtat e dorës.
Takimi u transmetua drejtëpërdrejtë nga RTSH, por edhe në platformën e “Youtube” në mënyrë të paligjshme. Nga një vëzhgim i thjeshtë, shihet se afro 1 mijë tifozë kanë qenë duke ndjekur përmes internetit ndeshjen Partizani – Egnatia.
Pavarësisht se çmimi i biletave vijon të jetë relativisht i ulët, siç duket tifozët preferojnë ta ndjekin skuadrën e zemrës nga shtëpia.
i.b./dita
