Dështimi i takimit në Bruksel, Escobar e Lajçak sot vizitë në Kosovë

I dërguari amerikan për Ballkanin Perëndimor, Gabriel Escobar dhe i dërguari i posaçëm i Bashkimit Evropian për dialogun mes Kosovës dhe Serbisë, Mirosllav Lajçak, do të jenë të pranishëm ditën e sotme në Prishtinë.

Bashkimi Europian ka konfirmuar për mediat në Kosovë, vizitën e Lajçak dhe Escobar. Në përgjigjien e dhënë nga zyrtarja për shtyp e Bashkimit Europian për Politikën e Jashtme, Paloma Hall Cabalero, thuhet se këtë vizitë të Lajçak në Kosovë por edhe në Serbi, e kërkoi përfaqësuesi i Lartë i BE-së, Josep Borrell.

”Në takimin e Dialogut të Nivelit të Lartë të enjten e kaluar, të dyja palët ranë dakord të vazhdojnë diskutimet. Në vazhdim të takimeve të javës së kaluar, Përfaqësuesi i Lartë Borrell i ka kërkuar Përfaqësuesit Special të BE-së Miroslav Lajçak që të udhëtojë në Kosovë dhe Serbi këtë javë (24-25 gusht 2022) në mënyrë që të avancohet drejt një zgjidhjeje të pëlqyeshme reciprokisht për të shmangur tensionet e reja në terren. Në misionin e tij, atij do t’i bashkohet edhe Përfaqësuesi Special i SHBA-së për Ballkanin Perëndimor dhe Zëvendës Ndihmës Sekretari Gabriel Escobar”, thuhet në përgjigje për Klan Kosovën.

Gabriel Escobar pritet të takohen kreu i LDK-së, Lumir Abdixhiku, kreu i AAK-së, Ramush Haradinaj si dhe kreu i PDK-së, Memli Krasniqin. Këto takime do të zhvillohen në rezidencën e ambasadorit amerikan, Jeff Hovenier.

Nuk dihet nëse Escobar do të takohet me kryeministrin Albin Kurti, por është raportuar se ai do të takojë gjatë ditës presidenten Vjosa Osmani.

Vizita e Escobar dhe Lajçak vjen pas dështimit të arritjes së ndonjë marrëveshje mes Kosovës dhe Serbisë në takimin e 18 gushtit që zhvilloi kryeministri Kurti me presidentin serb Vuçiç, në Bruksel.

j.l./ dita