Në Gjykatën e Lartë e Lartë Angleze “Royal Court of Justice” është duke u shqyrtuar kërkesë e një shqiptari me pasaportë britanike dhe katër shtetasve britanik për të apeluar vendimin e 27 Gushtit 2024 nga ku pranua kërkesa e Shqipërisë për ekstradimin e tyre.
Prej orës 11:30 të kësaj të enjteje avokatët e Edmond Haxhisë, Thomas Mithan, Harry Simpson, Harriet Bridgeman dhe Steven Hunt po zhvillojnë një betejë juridike për ti mbushur mendjen gjyqtarit në dhënien leje për të apeluar vendimin e ekstradimit.
Ata akuzohen nga prokuroria Lezhë se u përfshinë në vrasjen e biznesmenit Ardian Nikulaj.
Gazetari Top Channel Muhamed Veliu ka mësuar se avokatët mbrojtës në parashtrimet e tyre janë duke përdorur
Konvetën Europiane të Drejtave të Njeriut si një kartë në favorin e tyre.
Gjyqtari Mr. Justice Swift deri këto momente është pozicionuar jo i bindur me çfarë është duke sjellë mbrojtja e të pestë të kërkuarve të drejtësisë shqiptare.
Për momentin nuk është e qartë nëse gjyqëtari Mr. Justice Swift do të mund të japë një vendim gjatë seancës së sotëme.
Drejtësia shqiptare e kërkon shqiptarin me pasaportë britanike Edmond Haxhia si njeriun, i cili mbërriti shkurtin e 2023 me sebepin e fejesës por në fakt vuri në veprim planin e vrasjes së Ardian Nikulajt./tch
