Dhjetra banorë të pallatit 12 katësh në Lushnje mbetën të bllokuar prej disa orë brenda apartamenteve të tyre, pasi kati i dytë dhe i tretë që shërbente si qendër tregtare u përfshi nga flakët.
Zjarri dhe tymi bllokuan korridoret, ndërsa ndërprerja e energjisë bëri që të mos punojë as ashensori, duke izoluar brenda banesave dhjetra qytetarë.
Vështirësi për evakuimin e tyre ka patur për shkak të mungesës së autoshkallës, duke bërë që disa qytetarë të tentojnë të zbresin përmes hekurave të jashtëm të ndërtesës.
Ndërhyrja e forcave speciale RENEA ka qenë kritike për banorët, deri sa në vendngjarje kanë mbërritur zjarrfikëse nga Fieri, Berati dhe Tirana.
Deri tani 39 persona janë paraqitur në spital me probleme me frymëmarrjen për shkak të tymit, por fatmirësisht pa paraqitur komplikacione serioze.
a.c./dita
