Policia e qarkut Durrës ka shpallur në kërkim 3 persona të cilët kërcënuan me armë gazetarët e emisionit investigativ “Fiks Fare”.
Në njoftimin zyrtar policia e Durrësit thotë se, në lidhje me rastin e transmetuar mbrëmjen e së mërkurës në emisionin investigativ “Fiks Fare”, ku disa shtetas gërryenin basenin e lumit Zezë dhe merrnin në kundërshtim me ligjin, inerte nga ky lum në fshatin Verjon, Fushë Krujë, u konfliktuan me grupin e xhirimit të këtij emisioni dhe i kërcënuan me armë gjahu, janë shpallur në kërkim shtetasit me iniciale E. K. (drejtuesi i ekskavatorit), G. K., 30 vjeç dhe H. V., 30 vjeç.
Po në kuadër të veprimeve të para hetimore, ka nisur procedimi penal për shtetasit: A. L. (drejtuesi i kamionit) dhe E. Gj. (drejtuesi i kamionit), për veprat penale “Shpërdorimi i tokës” dhe “Kanosja për shkak të detyrës”. Gjithashtu, këtyre shtetasve iu sekuestruan mjetet e tonazhit të rëndë që përdornin në basen.
Gjithashtu, për këtë rast, kanë nisur hetimet për shtetasit E. B. dhe F. Sh. (punonjës të IKMT-së, Drejtoria Rajonale Durrës), si përgjegjës për monitorimin e kësaj zone dhe që dyshohet se kanë shpërdoruar detyrën.
m.b./dita
