VIDEO: Diaspora mbush plot bulevardin “Dëshmorët e Kombit” në ditën e 77-të të protestës

Pamje të filmuara me dron tregojnë numrin e madh të protestuesve që mbushën bulevardin “Dëshmorët e Kombit”, në ditën e 77-të të protestës qytetare.

Protestues të shumtë, mes tyre edhe qytetarë të ardhur nga diaspora, vijuan për disa orë marshimin në kryeqytet.

Nga pamjet ajrore duket një numër i madh qytetarësh që lëvizin përgjatë bulevardit, duke krijuar një “lumë” njerëzish në rrugët e Tiranës, ndërsa ka dominuar në masë edhe flamur shqiptar.

Pas përfundimit të fjalimeve nga qytetarët dhe aktivistët, protestuesit kanë nisur marshimin në rrugët e kryeqytetit, duke shoqëruar lëvizjen me thirrje masive.

“Rama, jep dorëheqjen!”, “Shqipëria kërkon revolucion!”, “Rama në burg, Berisha në burg” dhe “Ju erdhi fundi” janë ndër thirrjet e dëgjuara gjatë marshimit.

Protestuesit vijojnë të kërkojnë largimin e qeverisë dhe ndryshime politike, ndërsa protesta e sotme shënon ditën e 77-të të tubimeve qytetare.

Pjesëmarrësit vijojnë të kërkojnë dorëheqjen e kryeministrit Edi Rama, ndërsa gjatë marshimit janë dëgjuar thirrje kundër qeverisë.

j.l./ dita