Wolt vazhdon të zgjerojë ofertat në kategorinë e shitjes me pakicë, duke mirëpritur në platformë Ditë e Natë, zinxhirin më të madh të farmacive në vend. Duke filluar nga ky muaj, klientët do të kenë mundësi të porosisin dhe përzgjedhin mes një game të gjerë produktesh farmaceutike dhe të mirëqenies përmes Wolt, me dorëzim të shpejtë dhe të lehtë në adresën e tyre.
Partneriteti nis me përfshirjen në platformë të 42 filialeve të rrjetit të farmacive Ditë e Natë në të gjithë Shqipërinë dhe pritet të zgjerohet më tej në muajt në vijim. Përmes Wolt, klientët në Tiranë, Durrës, Vlorë, Shkodër, Fier dhe Elbasan do të kenë akses në mbi 4,000 artikuj, duke përfshirë produkte të kujdesit personal dhe mirëqenies, produkte për bebe, kozmetikë, suplemente dhe artikuj të tjerë të nevojshëm për përdorim të përditshëm.
Të gjitha produktet e disponueshme përmes Wolt do të ofrohen me të njëjtat çmime si në farmaci, duke garantuar një eksperiencë blerjeje të thjeshtë, transparente dhe të besueshme për klientët. Gjithashtu, Ditë e Natë do të ofrojë çdo muaj oferta dhe promovime ekskluzive në platformën Wolt, duke u mundësuar përdoruesve përfitime dhe kursime shtesë gjatë gjithë vitit.
“Ky partneritet përfaqëson një tjetër hap të rëndësishëm në misionin tonë për t’i bërë produktet e përditshme thelbësore më të aksesueshme për njerëzit në të gjithë Shqipërinë,” u shpreh Lisandri Dragoj, Përfaqësues i Wolt për Shqipërinë dhe Kosovën.
“Duke sjellë në platformë zinxhirin më të madh të farmacive në vend, ne po zgjerojmë gamën e zgjedhjeve për klientët tanë, duke ua bërë njëkohësisht më të lehtë aksesin në produktet që u nevojiten, në momentin kur kanë nevojë për to.”
Ndërsa zakonet e konsumatorëve vazhdojnë të evoluojnë dhe rehatia bëhet gjithnjë e më e rëndësishme, bashkëpunimi mes Wolt dhe Ditë e Natë synon ta bëjë më të lehtë aksesin në produktet farmaceutike dhe të mirëqenies përmes një eksperience digjitale të besueshme, të thjeshtë dhe miqësore për përdoruesit.
Ky bashkëpunim forcon më tej ekosistemin në zgjerim të shitjes me pakicë së Wolt në Shqipëri, i cili tashmë përfshin supermarkete, dyqane për kafshë shtëpiake dhe pajisje elektronike, si dhe kategori të tjera jo-ushqimore, duke u mundësuar klientëve të aksesojnë një gamë të gjerë produkte shpërmes një platforme të vetme.
Klientët mund të gjejnë rrjetin e farmacive Ditë e Natë në aplikacionin Wolt dhe të nisin menjëherë porositë e tyre në Tiranë, Durrës, Vlorë, Shkodër, Fier dhe Elbasan.
