Muhamet Rrumbullaku ka dhënë dorëheqjen nga detyra e Drejtorit të Përgjithshëm të Policisë së Shtetit.
Drejtori i Përgjithshëm i Policisë së Shtetit i ka dorëzuar Ministrit të Brendshëm, Ervin Hoxha dorëheqjen, duke i hapur rrugë hapjes së garës për kreun e ri të bluve.
Kompetencat e kryepolicit i janë deleguar zv.drejtorit Sokol Bizhga, deri në zgjedhjen e drejtuesit të ri me garë, në bazë të ligjit të ri.
Kreu i Policisë së Shtetit, Muhamet Rrumbullaku mbajti për 2 vite postin e Drejtorit të Përgjithshëm të Policisë së Shtetit. Rrumbullaku u emërua Kreu i Policisë së Shtetit në shtator të vitit 2022.
Ndërkaq ministri i Brendshëm ka lajmëruar që të premten në orë 10:00 do të mbledhë të gjithë drejtorët e policisë së qarqeve, drejtorin e Përgjithshëm të Policisë së Shtetit si edhe drejtorët e departamenteve.
Kjo do të jetë mbledhja e parë e ministrit që kur mori detyrën më 28 korrik.
i.b./dita
